تاریخ : دوشنبه 89/4/7 ساعت: 8:58 صبح
بو گون خورداد آیینین 20نجی گونو 1126هجری (10ژوئن 1747م) خوراسانین فتح آباد بولگه سینده اولان موراد تپه ده ، شاهی خیمه سینده اولدورولدو. نادیر شاهین قاتیلی تاریخده اورمولو محمد قولو خان افشار قاسیملو قیئد اولونوبدور. بیر ایل بو تاریخدن اونجه موصول ساواشیندان سونراغربی آزه ربایجان ویلایتینده اولان سایین قالایا گلیر و اوردا محمد کریمخان( اورمو والیسی) ، مجید مومن خان (سایین قالا حاکیمی) و بهرام خان ارشلو(عسگری سردارلاردان)نو دیوانه چکیب و گوزلرینه میل سوروب و کور ائدیر. سونرا فتحعلی خان افشار چرخچی باشینی اورمو ویلایتینین والیسی اعلان ادیر .
بو پورتره شاهین اوزوندن چکیبلر و لندن شهرینده ویکتوریا موزه سینده ساخلانیلیر
بیر باشقا روایتده محمد کریمخانین کور ادیلمه سی به له ریوایت اولوبدور کی نادیر شاه اورمونون گوی تپه کندینده یرلشیب و تمیزلنمک اوچون بازار ایچینده اولان قره جه حامامینا گدیر. اوردا بیر یالنیش آنلاشیلما دان چیخان حضورسوزلوق اثرینده کی اورمو والیسینین نوکرلرینین حاضیر اول سسلریندن یارانیلیر ، محمد کریمخانین کور ائدیلمه سینه امر ائدیر. سونرا شاه بو عملیندن پشمان اولوب محمد کریمخانی اوشنو والیسی تعیین ائدیر و بیر ایل سونرا بو شخص او شهرده وفات ادیر. بیر ایل بو آجی واقیعه دن سونرا نادیر شاه خوراساندا محمد کریمخانین باجیسی اوغلو محمد قولو خان افشار( قاسیملو) طرفیندن قتله یتیشیلیر.
نادیر شاه کی اصلا افشار ائلینین قرخلو طایفاسیندان (مراغا اطرافیندان) ایدی خوراسانین درگز شهرینده 1066هجریده آنا دان اولدو. 1114هجری ایلینده آزربایجانین موغان دشتینده شاهلیق اعلان ادیب و 12ایل حکومت اتدی .اوندان اولان افشاریه سولاله سی 60ایل بللی بولگه لرده حکومت سوردولر. نادیر شاه صفویه سولاله سینین شاهلیقینا سون وریبدیر. دمک اولارکی بو بویوک سردارین 12ایل شاه لیقی بوتون ساواشلاردا گچیب دیر. عوثمانلی و روس دوئولتلریله ساواشیب و بیر چوخ ایشغال اولونموش شهرلری ینیدن گری آلمایا ناییل اولموشدور .
نادیر شاهین شاهلیق تختی(ایستانبول توپقاپی سارایی)
همچنین نادیر شاه هیند یاریم آداسینا ایکی کز اوردو چکیب و اونملی ظفرلر و همچنین خزینه لر اله گچیرمیشدیر کی دونیا نین ایکی ان بویوک آلماس داشلاری کوه نور و دریای نور برلیانت لارین اوردان غنیمت گتیرمیشدیر.
کوه نور برلیلنتی
چوخ تاسف کی شاه لیقینین سون اوچ ایلینده دیکتاتورلوقا اوز گتیریب و بیر چوخ سردار و سیاسی اینسانین او جومله دن حتی اوز اوغلونون کور ائدیلمه سینه فرمان وردی کی سونوندا بو پیس عمللر اوز اتگینده توتوب و اوز سردارلاری طرفیندن قتله یتشدی. بیر آجی گرچک بودور کی نادیر شاه دا ، صفویه دوئولتی کیمین تورک سولاله لری اولان عوثمانلیلار و هیند تورک ایمپریاسی گورکانی (امیر تیمورون نوه لری) ایله قانلی ساواشلارا گچدی.
نادیر شاهین مشهدشهرینده اولان مزاری
آرتیق بیلگیلر اوچون بو لینکلره باش وورا بیلر سینیز:
و
حاضیرلایان:اورمولو تایماز- اورمیه 20خرداد1389 www.urmulutaymaz.blogspot.com
|
+| نویسنده :حسین ملکی
|
نظر
