تاریخ : دوشنبه 89/4/7 ساعت: 8:8 صبح
منده یاشاییردیم اینسانلار کیمی
دولاشیق دونیانین بیر بوجاغیندا.
قابار اللریمله قوردوغوم ائوده
اوچدو بیر آخشامین یاسلی چاغیندا.
تانریسیزلار یورد- یووامی تالادی
ایشیق ایکن قارانلیغی جالادی
کؤورک اوره ییمه اود- کؤز قالادی
یاندیم زمانه نین گور اوجاغیندا.
یارام سیزلادیقجا، اورک داغلانیر
گؤز یاشیم سئل کیمی آخیر، چاغلانیر
هر یئردن اوزومه قاپی باغلانیر
قالیرام حسرتین دار دوستاغیندا.
