تاریخ : چهارشنبه 89/11/6 ساعت: 8:2 عصر
محمد صلوات( از یزید)
من او شمرم ظلمیله بیداد وهم طغیان ائدوب
کربلاده بیر شه عالی مقام اولدورمیشم
مصطفی نسلین قیروب عالمده بیر جان آلمیشام
ایلیوب خرد و کبارین قتل عام اولدورمیشم
آل سفیان عشقینه آل عبانی خوار ائدوب
آلمیشام بدر و حنینه انتقام اولدورمیشم
آدیمی امت قویوب آق اولمیشام پیغمبره
قانینی توکدوم عبث ناحق امام الدورمیشم
فکر ائدرسوز بیر امام اولدورمیشم والهی یوخ
جمله بو ماسوانی بالتمام اولدورمیشم
جدیدور احمد آتاسی مرتضی شیر خدا
وارث ختم رسل خیر الا نام اولدورمیشم
آدینی ذکر اتمرم تا شیعه لر باش آچماسا
قورخارام آدین دئسم ائتمز دوام اولدورمیشم
آدیدور سلطان عاشورا حسین کربلا
گور بو شاهی من نجه ای اهل شام اولدورمیشم
سالمیشام دیلدن کلام اله ناطق اوغلونی
مصحف ناطق بالاسین لاکلام اولدورمیشم
بیر باخون نیزه باشینده بو بدن سیز باشه سیز
طلعت شمس الضحی بدر ظلام اولدورمیشم
ایستدی سو ویرمدیم سو باشینی کسدیم سوسوز
سو وئروب خنجر دمیندن تشنه کام اولدورمیشم
کیم مسلمانی سوسوز بیر نامسلمان اولدورب
بو شهی عطشان من بی ننگ و نام اولدورمیشم
بیر وصیت ایلدی باشین کسن وقته منه
شیعه لر ائتسونله او امره قیام اولدورمیشم
یاده سالسونلار منی هر دم سرین سو ایچسه لر
اهل بیتین سو دیوب دستینده جام اولدورمیشم
روان گئدور( از سکینه)
