تاریخ : یکشنبه 89/5/24 ساعت: 9:21 صبح
بودمده یره ( از ازرق)
الا ای اهل مجلس کربلایه گلمیشم غوغا ائدم
لشگره فرمان ویروب بوچولده من طوفان ائدم
جنگ خندق انتقامین آلماقا قان توکمگه
ماردم واردور عرب ایچره مقام و حرمتیم
اولدورم عباسی من اولسا جلال و شوکتیم
من علی مرتضی اوغلین گرگ بی سر قویام
چوخ جفالر ایلیم بیر ظلم سرتاسر قویام
------
آدیمدی ماربن صدیف بی پروا
اوجالسا نعرم اولار کربلا دیاری فنا
گرگ بو گون ایلیم خدمت آل سفیانه
سالام حسینی بو چولده بلالی طوفانه
-----
وار حکمیمون آلتدا یوزمین آتدی پیاده
قصد ایلمیشم خدمت ائدم ابن زیاده
بو لحظه گلوب لشگر اعدایه قوشولام
سعد اوغلی نه دستور بویورسا تابع اولام
------
اولا آل قانینه غلطان بوگون هاشم جوانلاری
یخام قولسوز آت اوستوندن اوزون قوللی علمداری
گتیرم قانلی بو دشته نجفدن شاه کراری
حسین وای ناله سی چکسون گزوب ملک عراق اوسته
الا یا ایها الطبال چالون طبلی دماق اوسته
فرمان الیوه
امیرا
صور محشر کیمی گر نفخه نعرم اوجالا
عالمه واهمه حشری نمایان داغیلور
اون ایکی برج سماواتی سرازیر ائدرم
چرخ گردشدن اولور ، گردش دوران داغیلور
عطشانلار( از عباس)
اگر اولا سوئیله یر تمام مالامال
سیزه یتشمیه جک بیرجه قطره اتمه خیال
اگر سوسوز دی علی اصغر اولموسان دلتنگ
کی آز قالور ائده سیراب او تشنه کامی خدنگ
اتگین
حیفدور قامت سروون باتا آلقانه سنون
دوشه عریان بدنون قانلی بو میدانه سنون
بو اوزون قولارون هر بیری بیریانه سنون
شامه گل آل او یزیدون اله دیوان اتگین
