تاریخ : سه شنبه 87/8/21 ساعت: 9:1 عصر
خطا ای شمر
بو صولت وبو صلابت بو غیض کی سنده وار
سنی بو نوعیله گورسه یزید بد کردار
سپاه لشگره ایلر سنی سپه سالار
تمام حاجتیم اوندا اولار روا عباس
یزید یانینه گتسون سنه انعام ویرر
سن ایستین کیمی شام ایچره خانمان ویرر
سریر وسلطنت و تاج زرنشان ویرر
غم جهاندان اولورسان اینان رها عباس
غضنفرفر
سن اوزون یاخشی بیلورسن سنه نسبت واریمز
آرامزدا نچه مدتدی کدورت واریمز
آچگلان نامیه باخ گورنچه دعوت واریمز
خوش اولار شاه حجازین روشین بوشلیاسان
کوفه ده ابن زیادین روشین خوش لیاسان
گل بیزیم لشگره قوی تا کی جلالون اوجالا
سن بوکول سیم وزره یکسره باشدان ایاقا
او اوزون قولارا لایق سنه لشگر ویره رم
سنی تخت اوسته اوتوردوب سنه مسند ویره رم
اباالفضل
آیرلگلان بو چولده شه مشرقینی دن
یعنی حسین خطرده دی ال چک حسینیدن
اولا نوره
امیرا من اباالفضلی چاغوردوم بیعته
اول هنر پرور جواب رد ویردی دعوته
من اونا تقدیم اتدیم او امانی آلمادی
مهر وامضای عبیدالهی سایه سالمادی
راضی دور اهل حرمدن اوتری ویرسون باشینی
قولارین الدن ویرر ترک ایلمز قارداشینی
سویلیور من کوثر و زمزم سویوندان ایچمیشم
من حسین عشقینده حتی گوزلریمدن کچمیشم
ایله بیل کی تازه دن تاریخ دین تکرار اولوب
حیدر و صفدر علی پیغمبرینه یار اولوب
قطره قطره دامدی آلنندان خجالتدن عرق
ایله بیل تاریخ خندقدن آچلمش بیر ورق
ایله بیل عباس علیدور هم پیمبر دور حسین
ایله بیل کی تازه دن بر پا اولوب بدروحنین
یوخدی چاره قوی ویروم بو لشگره آماده لیگ
احتیاط امری اولار شایسته سرکرده لیگ
--------
بوحسین باشینده بیللم سلطنت دعواسی وار
بی خبر دور باشنون مین شورش غوغاسی وار
طبلون ای طبال چال باشیمده ری سوداسی وار
اولمشام آشفته دنیا یزیدون عشقنه
خیمده عطشانلارا
طبال قیل تماشا گور نه طغیان ایلرم
کربلا صحراسینی قانیله عنوان ایلرم
سالام عباسین قولین سو اوسته طغیان ایلرم
چال ،چال طبل و دهل گوزلرون شصتینه قربان
تشنه قرباندور
داخی اتمیون بوندان آرتوغ درنگ
چالون بوق غوغا دویون طبل جنگ
نقابیله آهنگ دعوا ائدون
بو یرده جهان ملکنی تنگ ائدون
ویرون تیغ و تیر و عمود و سنان
ائدون آغزینی نوک تیره نشان
باده گلمیشم
عربستان چولیدور ایستی هوا منتظرم
عارفم حقوه جدوندی محمد بیلورم
عالمم جمله قرآنیده ازبر بیلورم
سنی اولدور مگی دنیایه برابر بیلورم
هل من مبارز یابن رسول الله یابن احمد مختار
اگر وار تشنه قربانون بویور میدانه بسم الله
عدواللهیلن
