تاریخ : چهارشنبه 89/11/6 ساعت: 8:9 عصر
جام اولدورمیشم ( از شمر)
یاعلی گل هرایه گور شامه نه کاروان گئدور
غارت اولان قطاری بی قافله ساربان گئدور
قید و طنابه باغلانوب آل عبا سلاله سی
ناله الامان چکر گوزیاشی گوزده قان گئدور
اوج سمادن اوج ائدوب ناله و آه و زاری میز
شمرین الینده تار اولوب گورنجه کاروانی میز
تخت وبساطیمیز سینوب برهم اولوب قطاری میز
اوستی آچوق کجاوه ده بی پرده و ساربان گئدور
قاتمارام ( از زینب)
یزید اذن ویرسون منه بو تخته نون اوسته چیخارام
بسم الله الرحمن الرحیم
ایها الناس اولون مطلبه آگاه ، بیلون
بیزه بذل ایلیوب آلتی صفت آلله بیلون
یدی نعمتله ویریب مرتبه جاه بیلون
ارثیدور جود و صفاحات شهادت بیزه
واردی اخلاقی عبادتده ، شجاعتده بیزه
قلب مومنده اولان مهر سزاوار بیزیم
انبیا زمزمه سین سید سالار بیزیم
خلقته مفخرو پیغمبر ممتاز بیزیم
حافظ قله دین حیدر کرار بیزیم
حضرت حمزه بیزیم جعفر طیار بیزیم
لیله اسراملکوته گئدنین اوغلی منم
ساحت اقدسه معرج ائده نین اوغلی منم
باب قوزین فقط الله گوره نین اوغلی منم
اوایکی گویلرده ائدوب راز و نیاز اوغلی منم
قبله تینه اوکی ائدوب نماز اوغلی منم
زمزمین اوغلی منم مکه منا اوغلی منم
مشعرین اوغلی منم مروه صفا اوغلی منم
عرفات اوغلی منم غار حرا اوغلی منم
مسند عدلیده داد ایلینین اوغلی منم
ایکی نیزیله جهاد ایلینین اوغلی منم
الله اکبر (4)
گلشنی کرب وبلاده سولانین اوغلی منم
لخته لخته گوزینه قان دولانین اوغلی منم
قانلی باشی دالیدان ذبح اولانین اوغلی منم
سویولوب پیکری عریان قالانین اوغلی منم
پیکری خاکیله یکسان اولانین اوغلی منم
یزید ، تانیون سیز منی مظلوم آتانین اوغلی منم
باش ویریب محضر حقه چاتانین اوغلی منم
لااله اله الله
قیزلاری چولده هراسان یاتانین اوغلی منم
نیزه لر اوسته ، باشی دالدان کسیلن اوغلی منم
اولمه میش تعزیه سی باشلانانین اوغلی منم
محمدرسول الله
خارجی آدیله مظلوم اولنین اوغلی منم
اوزی مهمان سوسوز جان ویره نین اوغلی منم
اوزوگی بارماقی الدن گئدنین اوغلی منم
ساربان اللرینه ال تاپانین اوغلی منم
سینه سی اوسته قوشون آت چاپانین اوغلی منم
ولی الله
یزید بو موذن دین آد مفخر بی حددیمدور
وارسنه نسبتی یا اینکی منیم جدیم دور
حلال ایت
یارالی قلبیمه ویردون دوباره دن یارا سن
یزید هیچ بو سوزوندن اوزون حیا ائدوسن
حسین و اکبر و عباسه خون بها ویروسن
جهانی سن کی اگر فرض خون بها ائده سن
چتیندی اکبر و قاسم کی سن رضا ائده سن
دانشما چوخ اوجادان ای خسیس قوم عرب
اشیدمسین سوزووی بی نوا ببیم زینب
بو قانلار کی توکوبسن یره صرف نظر اولماز
هر قطره سنین قیمتی مین بیله زر اولماز
لیلا آناما ویرسون اگر مین بیله ثروت
اولماز سراکبرده اولان بیر توکه قیمت
گل بذل ائده سن عالمین اجناس طلاسین
مشکل ائده سن راضی علی اصغر آناسین
هیچ قیمته گلمز دئمه ارزاندی بو قانلار
بو قصروی ویران ایلین قاندی بو قانلار
عمارت آلارام
استیورسن اگر شاد ائده سن بو دل زاری
مندن بو تقاضانی قبولایت سن تاری
بیر پیرهنی که توخیوب عمم الینده
غیرتدن اوزاقدی قالا نامحرم الینده
کی ای یزید اورگیمده واریمدی اوچ حاجت
نه نوع ائدیم من او اوچ حاجتی ائدیم صحبت
بیری بو دی بابامین باشینی بیزه ویره سوز
ایکمجی غارت اثاثین دوباره قایتاراسوز
اوچومجی بیرده منی ایله سون اگر مقتول
قالار بو شامیده بی سرپرست آل رسول
